ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

កាកបាទក្រហមរៀបចំសិក្ខាសាលាលើកកម្ពស់ការយល់ដឹងរបស់យុវជនលើបញ្ហាអេដស៍

  • ចុះផ្សាយថ្ងៃទី១៩ ខែសីហា ឆ្នាំ២០២២ ម៉ោង ១៤:៣៦ នាទី ដោយ Hun Sirivadh
  • 1644
  Aa |   aA

ភ្នំពេញ៖ កាកបាទក្រហមកម្ពុជាបានរៀបចំសិក្ខាសាលាមួយកាលពីព្រឹកថៃ្ងទី១៨ ខែសីហា ដើម្បីលើកកម្ពស់ការយល់ដឹង និងស្វែងយល់ពីទស្សនៈរបស់់យុវជនទៅលើការបង្ការ និងទប់ស្កាត់ការចម្លងមេរោគអេដស៍ក្នុងចំណោមយុវវ័យ។

អគ្គលេខាធិការរងទី១ កាកបាទក្រហមកម្ពុជា និងជាអនុប្រធានអចិន្ត្រៃយ៍ក្រុមការងារឥស្សរជនឆ្នើមថ្នាក់ជាតិ លោកស្រី ម៉ែន នារីសោភ័គ បានថ្លែងថាសិក្ខាសាលានេះពិតជាមានសារៈសំខាន់ណាស់ ដើម្បីចែករំលែកទស្សនៈ និងចំណេះដឹងអំពីការការបង្ការ និងការចម្លងមេរោគអេដស៍នៅក្នុងសង្គម។

លោកស្រីបន្ថែមថា៖ «យើងក៏ មានផែនការយុទ្ធសាស្ត្រលុបបំបាត់បញ្ហាអេដស៍ដែលជាការគំរាមដល់សុខភាពសាធារណៈនៅឆ្នាំ២០២៥។ ដូច្នេះដើម្បីសម្រេចនូវផែនការយុទ្ធសាស្ត្រនេះ គឺតម្រូវឱ្យមានការចូលរួមទាំងអស់គ្នាពិសេសយុវជន នៅក្នុងការបញ្ជ្រាបការយលដឹងបន្ថែមអំពីបញ្ហាអេដស៍ឱ្យបានទៅមូលដ្ឋានសហគមន៍»។

ក្រៅពីកម្ពស់ការយល់ដឹងរបស់យុវជនលើបញ្ហាអេដស៍ សិក្ខាសាលានេះធ្វើឡើងក៏ដើម្បីចូលរួមទិវាមនុស្សធម៌អន្តរជាតិ ១៩សីហា និងចងក្រងជាកម្មវិធីឥស្សរជនឆ្នើមថ្នាក់ជាតិលើកទី៣២ សម្រាប់ចាក់ផ្សាយតាមរយៈទូរទស្សន៍ ជាតិកម្ពុជា និងបណ្ដាញផ្សព្វផ្សាយជាច្រើនទៀត។

លោកស្រីបញ្ជាក់ថា៖ «នេះជាការឆ្លុះបញ្ចាំងឱ្យឃើញថាសមាគមន៍ជាតិកាកបាទក្រហមកម្ពុជា ដែលជាស្ថានប័នមនុស្សធម៌ធំជាងគេនៅកម្ពុជា និងជាសមាជិកទី៨៥ របស់ចលនាអន្តរជាតិកាកបាទក្រហម-អឌ្ឍចន្ទក្រហម គឺយើងបានធ្វើសកម្មភាពមនុស្សធម៌ជារៀងរាល់ថ្ងៃ និងធ្វើអ្វីៗដើម្បីបុព្វហេតុមនុស្សធម៌»។

អគ្គលេខាធិការរងទី២ លោក យូ ឡាណា បានឱ្យដឹងថាសិក្ខាសាលានេះក្រៅពីមានការធ្វើបទបង្ហាញពីសំណាក់អ្នកជំនាញ ក៏មានការបែងចែកជាក្រុមពិភាក្សា ចំនួន៨ក្រុមដោយជ្រើសរើសប្រធានបទ និងពិភាក្សាក្នុងក្រុមដើម្បីបានជាទស្សនៈ យោបល់ និងបន្តធ្វើបទបង្ហាញជូនដល់អង្គសិក្ខាសាលាបន្ថែមផងដែរ។

នាយិការងនាយកដ្ឋានសុខភាពនៃកាកបាទក្រហមកម្ពុជា លោកស្រី មុំ ចន្ធី បានវាយតម្លៃខ្ពស់ចំពោះការពិភាក្សា និងទស្សនៈរបស់ក្រុមនីមួយៗអំពីមេរោគអេដស៍ និងជំងឺអេដស៍ ខណៈដែលអ្នកចូលរួមទាំងអស់បានប្ដេជ្ញាចិត្ត ក្នុងការប្រយុទ្ធទប់ស្កាត់មេរោគអេដស៍ជំងឺអេដស៍ តាមរយៈការអនុវត្តន៍បន្តការផ្សព្វផ្សាយនេះ ក៏ដូចជា ការបញ្ជ្រាបការយល់ដឹងនេះ ទៅក្នុងសហគមន៍ដោយសារពួកគេនឹងក្លាយជាគ្រូបង្រៀន និងរស់នៅដោយផ្ទាល់ជាមួយសហគមន៍ នាពេលខាងមុខផងដែរ ។

ជាចុងក្រោយអគ្គលេខាធិការរងទី១ កាកបាទក្រហមកម្ពុជា លោកស្រី ម៉ែន នារីសោភ័គ បានសំដែងក្តីសង្ឃឹមចំពោះសិក្ខាកាមទាំងអស់ នឹងចូលរួមជាមួយទាំងអស់គ្នាដើម្បីបញ្ចប់បញ្ហាអេដស៍នៅឆ្នាំ២០២៥ និងបានរម្លឹកថា អេដស៍មិនពិបាកបង្ការទេ អេដស៍ពុំមានវ៉ាក់សាំងទេ ហើយក៏ពុំមានថ្នាំព្យាបាលដែរ។

សិក្ខាសាលានៅថ្ងៃនេះមានអ្នកចូលរួមចំនួន ៧០រូប ដោយបានប្រគល់វត្ថុអនុស្សាវរីយ៍ និងលិខិតសរសើរ ដែលបង្ហាញពីភាពសកម្មចូលរួមក្នុងផែនការយុទ្ធសាស្ត្រនែការលប់បំបាត់បញ្ហាអេដស៍នៅឆ្នាំ២០២៥ ដ៏ដូចជាឯកសារមូលដ្ឋាននៃចំណេះដឹងស្តីពីជំងឺអេដស៍ សុខភាពមាតា ទារក និងកុមារ និងជំងឺកូវីដ-១៩ផងដែរ៕


ព័ត៌មានជាច្រើនទៀតសម្រាប់អ្នក